மேகம் கருக்குது மழை வர மாட்டேங்குது!

மக்களும்
எத்தன நாட்களுக்குத்தான் பொறுமையா இருப்பாங்க .... எனக்கு தெரிச்சவங்க எல்லோருமே எதாவது ஒரு வகையிலாவது அவரவர் உணர்வுகளை வெளிப்படுத்தீட்டாங்க ..இந்த பாழா போன மழை இன்னும் வரலயேன்னு!

கல்யாணத்துக்கு தேதி குறிச்ச ( ஜூன் ஏழு ) மாதிரி போன மாசமே மழை வருமென்று எதிர்பார்த்தும் இன்னும் வராம இருப்பதனால் மக்கள் எல்லாம் கடுப்பில் இருக்கிறார்கள்.

நான் இருக்கும் ஊருல இன்னும் பதினைந்து நாட்களுக்குத்தான் தண்ணீர் இருக்குமாம். அதுக்கப்புறம் எல்லாத்துக்கும் சங்குதான் ....

எங்க கம்பெனிக்கு பக்கத்துல இருக்கிற ஒரு கம்பெனில பத்து நாளைக்கு லீவு விட்டுட்டாங்க (அது ஒரு மருந்து கம்பெனி)..
அவனவன் "ரிசசன்" காரணமா ஊத்தி மூடிக்கிட்டு இருக்கும் போது இந்த கம்பெனி என்னடான்னா தண்ணீர் காரணமா லீவு விட்டிருக்காங்க !)

கடந்த இரு வாரமாக மேகங்களெல்லாம திரண்டு வரும் ...வானம் இருண்டு போகும் ..குளிர்ந்த காற்று அடிக்கும் சிறு தூறல் போடும் ..மக்களெல்லாம் மகிழ்ச்சியில் அண்ணாந்து பார்த்துக்கொண்டு இருக்குபோதே எங்கதான் போகுமோ தெரியிலேங்க ... எல்லாமே காணாம போய் சூரியன் நம்மள பார்த்து ஈயின்னு இளிப்பான் !

"நாம்தான் மத்தவங்களுக்கு தண்ணி காட்டுவோம் இப்போ மழையே
நமக்கு தண்ணி காட்டுது" என்ன கொடுமை இது கடவுளே ?

உண்ணாவிரதம் இருந்தா மழை விட்டு தூவானம் மட்டும் இருக்குமாம்.
இப்ப தூவானம் மட்டும்தான் இருக்கு மழைய காணோம் இதுக்கு என்ன பண்றதுன்னு யோசிச்சி சொல்லுங்க மக்களே .....

குறிப்பு : ஒவ்வொரு பகுதியிலும் மழை வரும் காலம் மாறுபடும். இந்த பதிவு மும்பை மற்றும் பூனே பகுதியை சார்ந்து எழுதப்பட்டது.